白鶴鳴風水

|著作125部•暢銷報刊、玄學專欄資深作家|  風水用品:麒麟... | 首創全自動羅盤.立極尺  |

2017丁酉雞年風水
牛同蛇雞年有無犯太歲﹖

首頁

        最近同個工作上既客人做完野,大家傾下計。當初我學風水玄學,都係希望有多D話題同D客傾下講下,因為咁樣容易D同客做朋友,做起野黎都會順好多。

        後來,逐漸見到身邊既師兄幫人睇風水,睇下相,又幾準喎,慢慢就真正產生興趣 。

        日個客問開 我有關今年2017雞年既生肖運程,佢仲係個公事包度咱玩i紙出黎,睇住張紙問左我一個問題,佢話:「我有個識得風水既朋友,佢話今年生肖屬兔、雞、狗、鼠、牛、蛇、龍都犯太歲。 我話乜今年有咁多人犯太歲咩﹖佢話係呀,所以今年流年咁差,實多交通意外。 而我個仔生肖屬牛,係唔係都犯太歲呢?會唔會好大件事?」

        數一數佢所講既犯太歲生肖,2017乙酉雞年犯太歲既人有成七個咁多,十二生肖就有大半犯左太歲,都幾誇張。好在有關既問題, 我都聽老師講過,唔洗WHATSAPP問大師姐白如雪或打電話問大師兄,都立即答到。

        我話:「你放心,你朋友佢可能對風水識D唔識D,我老師已經寫左一百二十幾本書,全部原創,行內最專業,如果唔係對風水玄學知識咁豐富,邊寫到咁多書 ﹖我又點會跟我老師學風水玄學咁耐﹖」(我怕我唔夠照,梗係要搬過師傅出來坐下鎮。)

        個客聽我講完,即刻信心加強,望住我問:「咁我個仔生肖屬牛,即係無犯太歲?」 我答:「你放心,不單無犯太歲,仲同太歲好好朋友,所以無事。因為牛同雞係相合既,牛係地支丑字,而雞係地支酉字,已(蛇)酉(雞)丑(牛)為合,所以算係同太歲做朋友,唔會沖犯太歲,所以無事。」

        個客走左之後,我諗,原來老師講既野係真既喎!我終於聽到有人講,一年之中有七個生肖犯太歲。而家魚目混珠,舢舨充炮艇,大有人在。

風水玄學權威白鶴鳴弟子 方中圓 
        本文刊載日期2017年3月8日

 

最受歡迎風水用品

開光風水用品,

 

訂購風水用品專頁

風水八字改名--預約.TEL:9838 3838

歡迎轉載內容,敬請尊重版權,
請列明出處及連結「www.hokming.com」,謝謝!