單用八字睇風水就得
(上)﹖
早排同白鶴鳴老師同埋匡正大師兄，一齊去食飯兼傾下偈。當我講到最近一件同風水八字的事例，師傅同匡師兄都笑左出黎！
好多人話朋友係要可以互相利用，先做得長久，如果係咁，我咁多豬朋狗友，我應該都算有利用價值啩。可能因為咁，所以朋友圈愈來愈大，你地知啦，我地呢D識得命理術數，風水八字嘅人，自然多朋友埋黎叫我地贈幾句。我自己又無乜所謂，學師傅話齋，可以幫到人之外，對自己亦未必無益處，因為可以順便搜羅多d真實案例，幫自己印證所學所知嘅學理和方法。
不過，最近有一件事令我都幾唔忿氣。不過，當我將件事同師傅和大師兄講，大師兄話原來好多師兄弟､師姐妹，都有類似事情發生。
話說我地幫人睇風水，都會順手問人比埋八字黎配合一下，而八字同風水既關係，亦可謂千絲萬縷。不過，我地要人地比出生時辰或八字，並唔係只係靠八字嚟睇風水，而係用個八字嚟配合風水及擇日。簡單一句，睇風水､做布局，一定要以風水學理為先，八字只會用嚟配合風水同擇日，一定
唔會剩係用八字嚟睇風水，否則就唔慌會做得好風水。
講翻嗰件事，話說有一位老友，佢拎咗佢朋友幅家宅平面圖和朋友個八字黎問我，話佢朋友想喺屋企擺多一張書枱，因為想將公司d野搬番屋企做，咁就唔洗成日喺公司留到咁夜。我研究完有關資料就幫佢搵咗個相當唔錯嘅文昌位比佢朋友坐，當時我都有用佢八字配合擇日，擇咗一個好日子比佢擺埋張書枱。後來......下篇再續。
| 1 |
2 |
家居風水
風水大師專頁
風水大師 ——
白鶴鳴 (著作達126部)
白鶴鳴弟子 方中圓
本文刊載日期
2015年4月27日
