風水姓名學
唔怕生壞命.最怕改壞名
我地學風水﹑八字﹑姓名學等玄學的人，對樣樣術數都會有d興趣。
我仲記得，細細個d鄰居生左bb，話要改個好名，仲話改名好緊要，所謂「唔怕生壞命，最怕改壞名」！
耳濡目染簡，果時已經覺得改名好緊要。後來
人大左，朋友多左，好多時係佢地面前除左會講下風水、八字、面相、掌相，有時都會講下占卜和改名等等。
而有D朋友結婚生仔之後，改名時好多都會問下我。
講句真，如果真係想好，緊係搵白鶴鳴老師啦！不過，佢地好多都要求不高，其求心安理得就算，咁我咪用我D三腳貓功夫比下意見。
到底係唔係真係如俗語所講「唔怕生壞命，最怕改壞名」？白鶴鳴老師曾經講過﹕「人一出世，八字好重要，因為會跟人一世，而命運好壞的加減，幾乎盡在風水。此外，仲有相學，可以影響命運，所謂相隨心生也」，而家，師傅更將這句「相隨心生」演譯為「性格改變命運」。
後來老師再補充告訴我，除左「風水」同「相」會改變命運之外，「改名」都會有幫助。但我聽過師傅同匡師兄分析姓名學，佢地話改名係重要，但出生後改係最好，因為個名既筆劃靈動性，會影響更長久。
我又同匡師兄傾過改名有幾緊要既問題，匡師兄話︰「改名故然重要，例如你幫仔女改名做阿貓﹑阿狗，佢地出去做野見人都會自卑，咁就會影響一世。改名除左個名要正正常常，唔好古靈精怪之外（好多人搵人改名，改到個姓名古靈精怪，摻手翹口，師傅同匡師兄都搖搖頭，因為好名係唔使標奇立異，名字筆劃除左要啱靈動數之外，個名仲要讀者順口，如果個名都唔順，條命點會順﹖）
匡師兄仲話，改名雖然可以改變命運，但始終唔及風水，所以真係想短期改運，就應該係風水下功夫，改名係其次。
編輯部小師弟──山中七日
本文刊載日期2015年3月11日
_________________________________________________________________________________
你或許也有興趣瀏覽以下網頁:
|
編輯部按︰
1.
白鶴鳴先生於八零年代開始曾在「太空館」及「香港大會堂」作公開演講、撰寫報刊專欄，曾撰稿──《快報》、《新報》、《玉郎電視周刊》、《經濟日報》、《香港電視周刊》、《亞州電視周刊》。 3. 編輯部按︰ 師傅仔筆名「匡正」，風水玄學權威白鶴鳴先生的大弟子，追隨白先生研習達三十年（2013年計算），隨白先生實地堪察風水無數，任專業風水命理顧問多年，現為白鶴鳴先生書籍的編輯，www.fengshui.hk師傅仔答番你專欄及師傅仔講場專欄主筆。 白鶴鳴先生已出版的原創著作在2014年已達124部。 |
歡迎轉載內容，敬請尊重版權，請列明出處及連結「www.hokming.com」，謝謝!