風水水法論大門與水的關係

首頁

        最近大師兄匡正叫我得閒讀下陽宅風水歌訣，佢又教我一d風水技巧。而大師兄推介既風水歌訣，其中有一句話︰「門下水出，財源不聚。門著井水，家遭邪鬼。」係講巒頭既「風水水法」。

        「門下水出」即係門下方有水坑既水流出，呢種屋會容易退財。

        「門著井水」即是大門前有一個井，咁樣既風水，會容易鬧鬼。

        大師兄話香港以前有好多明渠，即係無上蓋既大坑渠，不過近年，政府已經將大部份明渠加蓋，仲響上蓋種花草綠化一下。而當年有明渠，就有可能發生類似「門下水出」既風水問題。

        大師兄仲話曾經見一d屋，風水理氣明明係珠寶線，開生氣門，照理由風水唔會衰o架﹖﹗後來經過研究，先知道原來大廈地下，剛好有地下污水道經過大廈底，向坑渠窿流出去明渠，再流出去大海。如果唔係大師兄講，我都唔知道。

        大師兄都感嘆咁話，研究風水有時真係唔容易，有時一個問題，已經會有好大既影響，但有時犯左好多問題，對風水又無乜特別影響。講來講去都係四個字——輕重緩急。

        風水既巒頭､理氣，各有影響，而影響力大抑或小，快抑或慢，一定要互相參研。有時風水出現問題，未必咁容易搵到原因，可能要詳細研
究，考慮所有有可能出錯既地方，先會搵到答案。就好似以上所講既大廈底有污水道引流去明渠咁，就係唔容易推測到原因啦！

最受歡迎風水用品

,

訂購風水用品專頁