| 著作124部•暢銷報刊、玄學專欄資深作家|    風水用品:龍龜麒麟...     |   首創全自動羅盤.立極尺   |
 

家居風水
屋企有大肚婆不宜鑽窿


        有個朋友既老婆有左bb,朋位同我話︰「我老婆有左bb,係風水黎講有乜野要避忌。」呢個問題既答案好簡單,梗係有啦!傳統係屋企有大肚婆, 不嬲都有風水避忌架啦,其中一樣禁忌係「鑽窿」。

         我同朋友講︰「梗係有野要避忌啦!通常就唔好裝修屋裡面d野,盡量少搬少改動,尤其唔可以鑽窿。」之後仲講解左一大堆有關大肚婆風水或者習俗避忌,例如唔好拍大肚婆條頸,床下底唔可以擺放鉸剪、刀、叉、鎚仔、螺絲批之類既野等。

         屋企有大肚婆,點解唔可以裝修呢﹖因為一裝修,就會郁好多野,隨時郁到流年風水煞位,胎神等等,如果郁到呢d位,隨時bb都有事,最怕流產或bb身體有問題。而裝修當中,最忌係鑽窿,因為動土係 風水黎講,有好大既影響力。

        唔止我師傅有好多案例,就算係我都見過動土後,大肚婆作小產。我即刻幫佢拜日腳,同埋係風水好位擺放旺丁風水用品。之後我仲叫佢地唔好郁屋企d野,等生左bb先好郁。好彩,最後佢都無事,生個bb出黎,個bb都幾健康添。

        我都將呢件事同師傅講過,不過師傅話︰「唔係間間屋動土,bb都會有事,呢d機會都係佔少數,只不過,為左穩妥起見,有左bb都係唔好動土喇﹗」 所以如果屋企有bb,千祈唔好動土鑽窿,一個唔好彩,動埋風水煞位,真係唔知點算好。

風水玄學權威白鶴鳴弟子/方中圓

文刊載日期2016年6月18

>>>|下一頁

 

訂購風水用品專頁

風水八字改名--預約.TEL:9838 3838

歡迎轉載內容,敬請尊重版權,
請列明出處及連結「www.hokming.com」,謝謝!
 

首頁