為甚麼要放生了銅綠的馬風水擺設

有一次，我幫客人睇風水，呢個客人係由我一位朋友介紹。客人話曾經搵過一位風水師幫佢睇風水，睇完之後，仲叫佢係客廳既角落，擺放一隻馬。

我過去睇下擺左乜野馬，原來係一只銅做既馬，不過，隻馬好殘舊，望落去，有D似古懂，當然，呢隻係扮古董，唔係真既古董。

我開羅盤､起星盤，見到呢隻馬擺左係個流年風水「驛馬位」度，我就同佢講：「呢個係驛馬位，擺左隻馬，你會好勞碌喎！」

佢聽到我咁講，立即話：「幫我睇風水個風水師叫我擺，仲要我一定要揀有好多綠色既馬，好似一D古董銅馬咁！`佢話擺完，會對事業運有幫助，但我擺完之後，做野就做到氣咳，老闆又無對我好左，完全唔覺對事業運有幫助。」咁我答佢：「你仲擺放﹖！」

佢話：「我唔肯定應該繼續擺定唔擺，我又唔識風水，所以阿齊(介紹客人找我睇風水既朋友)，叫我搵你幫手睇下，話你風水好叻！」

我「謙虛」咁話﹕「我風水唔敢話叻，不過，比起一般所謂風水師，就已經高幾班！」

幫呢位朋友睇完風水之後，我諗唔到，點解會叫人擺有綠色既古董馬作為風水用品擺設，所以立即WHATSAPP大師姐白如雪博士，問下佢有何高見。

點知大師姐，成兩個鐘先答我，我同大師姐講笑，點解咁耐先答我﹖原來大師姐都係請鎗，因為大師姐都唔明，所以whatsapp問大師兄匡正，當時大師兄跟左師傅出去做野，就算大師兄唔識都可以問師傅白鶴鳴大師，不過都要等佢地做完野先得。

本來我都想問大師兄，不過，同大師姐年紀接近D，所以唔怕唔好意思問佢。而大師兄，總有少少覺得輩份好似高過我好多，所以，用WHATSAPP，都係搵大師姐好D 。可能大師姐都好忙，居然無潤我，以後都係咁就好啦！

大師姐回覆說：「這一種是其中一派風水使用的風水用品擺設，名為『祿馬交馳』，意思是會財運官運都一帆風水順。」
原來是這樣的，我都無聽過這個風水用品擺設名稱，大師姐學左２０幾年風水，確係經驗比我豐富好多。