一枝香煙便知風水坐向－上

        最近又同大師兄匡正同埋大師姐白如雪一齊食壽司。點解要食壽司其實﹖我對壽司係有D興趣，但唔及大師姐咁鍾意食，大師姐雖然好多時對我串一D，但都教過我好多野，所以就請 佢地食壽司。

        大師兄講風水，通常都以正規風水去講，但大師姐可能年青好多，講起風水精靈好多。當然，講經驗，梗係大師兄更勝一籌，大大話話，大師兄都跟師傅三十幾年，雖然大師兄話佢既功夫，同師傅無得比，但我就覺得，大師兄都已經爐火純清。

        呢次食壽司，大師且又有野問我：「你知唔知高人係點樣睇風水？」
我聽師傅講過，要做高人，對住D客，一定要少說話，愈少愈好，咁就似高人，所以我照板煮碗答，我諗如果大師姐窒我，即係窒師傅�隉I到時我就搬師傅出黎。

        點知大師姐聽完 無窒我，仲點點頭。跟住望左大師兄一眼，又同我講：「講過古仔比你聽，你有位師兄，佢細佬請左高人睇風水，因為你位師兄對風水有興趣，又想睇下�灠炊H點睇風水，所以咪跟去睇下。

        點知高人入到屋，立即點起口煙，食起煙黎。你果位師兄忍唔住問『大師，你食完口煙先睇風水？』果位高人就答『我已經睇緊風水，你望下D煙點樣飄，咪就知道呢間屋既風水。』」

        今日寫到呢度先，如果大家有興趣，請繼續睇。

＞＞＞｜下一頁｜

風水玄學權威白鶴鳴弟子──　方中圓 
        本文刊載日期2016年12月31日

訂購風水用品專頁

首頁