從風水說火燒天門張牙舞爪

記得有一次，同大師兄匡正和大師姐白如雪食野既時候，講開火燒天門這句風水口訣。大師姐問我： 「火燒天門張牙舞爪，家生罵父之兒。你知唔知，甚麼是張牙舞爪？」
　

這些好簡單，我當然可以立即答到：「係玄空飛星，火燒天門既位，見到一些好似張牙舞爪既形煞 ，屋企會有衰仔，成日鬧父親。」
　

大師姐舉只姆指，讚我：「聰明。」 跟住大師姐就有野要發表：「香港有一間大學，門口擺左一件藝術品，而這件藝術品，就係張牙舞爪。」
　

我一時間都無甚麼印象，我唔同大師姐，她是碩士，對香港既大學，梗係熟過我好多。大師姐見我無出聲，想揭曉答案既時候，我突然靈機一觸：「科技大學。」

科技大學前方的藝術品便是「張牙舞爪形」。

大師姐聽到：「醒目，係呀，這件藝術品，真係好似張牙舞爪既形，如果係乾卦撞離卦既星位，見到這件藝術品，真係出不孝子架！
　

有時，乾卦撞離卦，叫做火燒天門，但如果無形煞配合，又未必這樣嚴重，所以歌訣都話，『火燒 天門張牙舞爪』，就係火燒天門位置，見到張牙舞爪既物件，就會出不孝子啦！」

大師姐白如雪講得對，風水除了講內裡既格局，都要看屋外環境配合，大師姐話風水又叫做優化環境學， 不無道理。