風水玄學

住酒店的風水•習俗•迷信

 


        現今社會,坐飛機去第二個國家,是一種好普通既事。有d人去做野、有d人去玩、有d人探親……。而好多人,即使唔信風水,都會信邪!
        我都聽好多朋友講過一d同精靈有關既古怪事,而其中有唔少係發生係酒店裡面。有人係酒店比鬼壓、有人係酒店見到鬼、有人係酒店見到影子係牆度移動,遇到o甘既野,真係少d膽都嚇死。

        先前,有一個朋友仲同我講,佢最近住果間酒店,都發生古怪事,夜晚熄燈睡覺無耐,耳邊傳來有人唱歌,而唱果d歌,唔知係乜野話,聽唔明。佢起身檢查是不是電視機聲,結果不是。又看窗口有沒有關起,原來這酒店無窗口。行去房門聽下,會唔會係第二間房或者走廊傳d聲入來,又無。總之,愈聽愈似係房中間傳出黎。佢當時都唔係好信邪,認為d聲可能係唔知邊到傳過黎,所以唔理,繼續睡覺。
        不過,o甘嘈梗係睡唔到,拿左耳筒出黎,插左耳塞,開著歌聽。但聽唔到兩分鐘,果d歌聲就係耳筒播出黎,今次就係嚇親,捲住張被,直至差不多天光,d歌聲就無左。所以我朋友話佢今次真係撞邪,而以前唔係太信邪,而家開始,就信世上有鬼。
        我出去外國住酒店,除左會拿個風水羅盤,用來看看自己租住果間房流年風水有無問題之外,仲會帶一些護身物品。不過,從前我未學風水,未識用護身物品之前,我住酒店,通常會做幾樣野。
        1. 入房前,先襟門鐘。
        2. 坐係張椅前,會先拍拍張椅。
        3. 我上床時候,會先拍兩下張床。
        4. 入浴室前,都先敲下門。
        尼d野都係老人家教,意思係同陰靈講︰「唔好意思,打攪左你地,我只係係度住下,無心打擾!」當然,酒店應該唔會間間房都有陰靈既,不過,我成日o甘做,又好彩無撞過陰靈。

編輯部小師弟──山中七日

本文刊載日期2014年12月11日

______________________________________________________________________

 

你或許也有興趣瀏覽以下網頁:

國際堪輿名家—白鶴鳴先生簡介

家居風水--白鶴鳴先生撰稿

自己動手造風水

為甚麼要看風水

 

 

        編輯部按︰

        1. 白鶴鳴先生於八零年代開始曾在「太空館」及「香港大會堂」作公開演講、撰寫報刊專欄,曾撰稿──《快報》、《新報》、《玉郎電視周刊》、《經濟日報》、《香港電視周刊》、《亞州電視周刊》。
        2. 白鶴鳴先生於1983創寫第一部風水書籍《風水隨筆》; 1992創製「風水立極尺; 1997創製專利發明「全自動羅盤」(專利註冊編號:9810409.6); 於1999年創立玄學網站。現在網站名稱有「www.fengshui.hk、www.fengshui.com.hk、www.fengshui.net.hk、www.風水.hk……。」

        3. 編輯部按︰ 師傅仔筆名「匡正」,風水玄學權威白鶴鳴先生的大弟子,追隨白先生研習達三十年(2013年計算),隨白先生實地堪察風水無數,任專業風水命理顧問多年,現為白鶴鳴先生書籍的編輯,www.fengshui.hk師傅仔答番你專欄及師傅仔講場專欄主筆。

白鶴鳴先生已出版的原創著作在2013年已達123部。

 

 

歡迎轉載內容,敬請尊重版權,請列明出處及連結「www.hokming.com」,謝謝!

白鶴鳴風水精品中心

家居風水主頁

風水玄學首頁