|著作124部•暢銷報刊、玄學專欄資深作家|  風水用品:麒麟... | 首創全自動羅盤.立極尺  |

所謂風水高人話
一枝香煙就知風水坐向-下


        尋日講到,大師姐話有個高人幫人睇風水,入到屋,食支煙就知道人地間屋既風水好唔好。而家繼續講落去。

        大師姐繼續講:「果位高人話睇下禶狟I樣飄,就知道風水點樣。你位師兄話唔識睇,高人就話,呢間屋D煙飄向北,即係間屋坐南向北。只要起個坐南向北既星盤,就知道間屋既風水係點樣!你位師兄聽到,已經覺得完全唔合理,跟住呢位高人0講D野仲神化。」

        我都好好奇有D乜野咁神化?大師姐笑住話:「你問大師兄啦,件事係大師兄講我知既。」大師兄話:「咁既,我跟師傅去睇你呢位師兄既風水,佢講左唔少野,包括師妹投先講果D。佢話個高人跟住又講﹕『你同觀音有緣、唔好去灣仔,灣仔唔旺你、唔好食雞肉,雞肉剋你、食多D牛肉,牛肉會旺你......』」

        我聽完更加好奇:「乜風水有食雞肉會剋人命;食牛肉會旺人既咩﹖」大師姐忍唔住大笑:「╱J咩…你!跟師傅學左咁耐,仲向大師兄偷師左咁耐,咁都仲信?」唉!其實,如果係我朋友講出黎,我都唔會信,唔知點解,係大師兄大師姐面前,就變左風水低手。(雖然我點都算係中手卦!)

        至於點支煙,就話可以知道風水坐向,大師兄話﹕「尼D係江湖野,千祈唔好信,唔好亂黎。如果今日吹南風,D煙吹向北面,間屋係「坐南向北」。但如果明日吹東北風,間屋就由「坐南向北」變為「坐西南向東北」。吹多幾次風,間屋一個月隨時變幾個坐向,咁唔通日日都用唔同既星盤睇間屋既風水咩﹖﹗睇風係睇地氣,唔係好似呢位所謂高人咁,擔口煙,噴口煙,就妄定人地屋企既風水坐向,隨時累人不淺。」

        我都話架啦,同大師兄大師姐一齊食野,總會有得著。今次又豐富左我係風水上既知識苤I

>>>|上一頁
 

風水玄學權威白鶴鳴弟子── 方中圓 
        本文刊載日期2017年1月2日

 

訂購風水用品專頁

風水八字改名--預約.TEL:9838 3838

歡迎轉載內容,敬請尊重版權,
請列明出處及連結「www.hokming.com」,謝謝!
 

首頁