為何1933年出生2016做80歲大壽

今次真係有啲嘢唔明，所以襯見到大師兄匡正同大師姐白如雪嘅時候，問下呢個問題。其實有啲客人有問題，唔緊急嘅，我都會先記錄起，等見到大師兄同大師姐嘅時候，先問下佢地，因為一有問題就打電話問佢地，問得多我自己都唔好意思啦﹗

所以今次襯大家一齊飲茶食嘢嘅時間，就問番我積落嚟嘅問題。今篇講「為何1933年出生今年做80歲大壽」。因為有個同事，話有朋友叫佢幫媽咪擺８０大壽，但佢計嚟計去，點都計唔到８０歲。

先講講，我同事既阿媽係１９３９年出生，而今年係２０１６年。我問大師兄同大師姐，問完之後，大師兄無意欲答我，不過就同大師姐打個眼色，好似係話：「你答啦！」

大師姐望住我問：「咁你覺得係幾多歲先啱呀﹖」我就答：「正常嚟講，２０１６減１９３９，即係７７歲。而玄學八字命理等，就加多一歲，即係７８歲。所以我計嚟計去，都計唔到８０歲，要做８０大壽？！」

大師姐問：「你咁講啱，正常係咁計。不過，而家，有啲人亂嚟，原本死人先會將年紀報大三歲，有啲人就將呢啲野用咗喺陽人（在生嘅人）度，無啦啦將人嘅年紀加大三歲。所以原本條命７７歲，媽咪懷胎十月當一歲，即係７８歲，再格硬加多兩歲，話要做大壽。不過，呢種事，你都唔係第一個問，如果唔係，我都唔識答你。」

我好好奇，點解死人要加大三歲，所以問大師姐。佢答我：「風水玄學有三才之說，即天才、地才、人才。而三才代表三歲，死人要加三才數，所以７７歲死咗嘅人，當８０歲睇。」

風水玄學權威白鶴鳴弟子　方中圓
本文刊載日期2016年10月15日

風水八字改名--預約．TEL：9838 3838

歡迎轉載內容，敬請尊重版權，
請列明出處及連結「www.hokming.com」，謝謝!
　