風水命理
乾隆的八字變化－１
今次喺大師兄果度聽到一個同風水命理有關既古仔，具趣味之餘，仲有發人深省嘅作用。
而今次呢個故仔，係同清朝「乾隆」皇帝有關嘅。
喺中國流傳有好多同風水命理有關嘅故仔，而
呢個故事，相傳係真人真事。
話說乾隆未做皇帝之前，d人主要都係叫佢做「四阿哥」，而有一次，四阿哥奉旨去探直隸總督執玉，佢地帶埋侍衛去昌平呢個地方，而喺途中見到有個茶寮，就坐底飲
杯茶。
啱啱茶寮有個大約四十歲盲眼既算命先生。 四阿哥即時想算個命，算命先生梗係例牌同佢攞出生時辰，先可以開始算命。 四阿哥就講出佢自己出生的年月日時──「康熙五十年八月十三日子時。」
算命先生用手指計算下︰「辛卯、丁酉、庚午、丙子。」
跟住問四阿哥︰「呢個命係男定係女。」
四阿哥好奇︰「乜男女命有分別咩？！」算命先生答佢︰「如果係女命，個命就係個遊娼命（娼即妓女）。」
四阿哥更加好奇︰「點解會係遊娼命？」 算命先生答四阿哥話︰「年上地支卯，見時上地支子，犯桃花煞，呢種桃花叫做遍地桃花。
今日先寫到呢度，如果大家相知道乜野叫做遊娼，明日繼續睇啦！
本文刊載日期 2016年4月11日
白鶴鳴弟子/方中圓
｜
1 ｜ 2 ｜ 3 ｜ 4 ｜
HK$68
《原來八字咁簡單》是白鶴鳴先生於二零零零年出版的作品，這書圖文並茂，對象為完全不懂玄學的讀者群為主。如果大家對八字有興趣，但又沒有玄學基礎，則最適宜看這本書學八字了。 因為是以非常淺白的方式來教讀者算八字，就像學ABC般容易，由學起八字、大運、流年、形象化地講解五行生剋，這種方法，是作者首創的文筆，就是令讀者學起八字時， 會感到輕鬆易學。如欲購買《原來八字咁簡單》，可致電或蒞臨「白鶴鳴風水精品中」查詢或到各大書局購買。當然，大家亦可以到本公司的網站購買。
歡迎轉載內容，敬請尊重版權，請列明出處及連結「www.hokming.com」，謝謝!