| 著作124部•暢銷報刊、玄學專欄資深作家|    風水用品:龍龜麒麟...     |   首創全自動羅盤.立極尺   |
 

風水五鬼入門容易惹鬼

          近日有個客人同我話,佢有個朋友間屋有鬼,問我識語識攪呢d鬼屋。睇鬼屋?劃符驅鬼,我就自問唔識。不過,如果係因為風水既問題令到間屋有鬼,我都可能有辦法。我學風水時,師傅都講過,有鬼既屋,風水多數會有問題。

        個客話問下朋水先,遲D再搵我。無幾耐,佢地真係搵我睇鬼屋。講句真,突然去睇鬼屋,我心都有D慌,原本想搵大師兄匡正幫下手磅住我,等我壯下膽。點知大師兄托我手爭,話我自己應該攪得掂既,不過就提我︰「記得帶D野護身,如果唔係,比D野攪到就幫你唔到。」另外佢仲提點多句話︰「鬼屋,係同陰卦有關既,尤其五鬼星,入屋睇下係唔係開五鬼門,或者五鬼星有無陰氣啦。」

         聽大師兄講完,拿拿林搵番係師傅度請番黎既開光玉觀音先,因為見玉觀音幾靚,唔多捨得帶,今次就乜都唔理,帶左先算。去到個間鬼屋,主人家話搬左黎唔夠半年,一對仔女見過鬼幾次,係女鬼,而個主人兩公婆就未見過。

        其實咁都唔奇,因為細路仔陽氣唔及大人,係容易D見鬼既。 我開個羅盤格下坐向,起左玄空星盤,原來間屋好似師傅話齋,係同陰卦有關(五鬼星屬於陰卦),呢間屋真係開五鬼門。我叫屋主係門口加盞長明燈,先加強門口陽氣。然後擺兩個八卦銅葫蘆,一對鎏金辟邪,再揀個痗‵峖P佢地既日子擺風水用品。

        隔一排,個客見到我,話比我知佢朋友間屋,呢半年黎,佢仔女都無再見過鬼,乜風水都真係可以趕鬼?」其實唔係風水可以趕鬼,正如我師傅話,凡係鬼屋,d鬼會住得好舒服,自然會入去住,所以呢d屋先會有鬼。我地化解陰氣、加強陽氣後,D鬼就入唔到去住啦。 經過尼次之後,我就唔怕睇鬼屋,原來都唔係咁難睇隉C 風水玄學權威白鶴鳴弟子/方中圓 本文刊載日期2016年7月9日

風水玄學權威白鶴鳴弟子/方中圓
本文刊載日期2016年7月9

 

        編輯部按︰白鶴鳴先生於八零年代開始在「太空館」及「香港大會堂」作公開演講、曾撰寫報刊專欄有《快報》、《新報》、《玉郎電視 周刊》、《經濟日報》、《香港電視周刊》、《亞州電視周刊》……。1992年創製「風水立極尺」。1997年創製專利發明「全自動羅盤」 (專利註冊編號:9810409.6)。2013年出版的原創著作已達123部。

訂購風水用品專頁

風水八字改名--預約.TEL:9838 3838

歡迎轉載內容,敬請尊重版權,
請列明出處及連結「www.hokming.com」,謝謝!
 

首頁

風水背景線2