白鶴鳴風水號

|著作124部•暢銷報刊、玄學專欄資深作家|  風水用品:麒麟... | 首創全自動羅盤.立極尺  |

太極四象的陽中之陰.陰中之陽
風水如何配合顏色


        尋日同大家講左「陽中之陽、陰中之陰、陽中之陰、陰中之陽」係由太極生兩儀,兩儀生四象這樣衍生出來既。而大師兄都講左,師傅有本書《搶運旺財小通勝》都寫過,「陽中之陽」運用係風水度,就係唔可以全屋用白色,因為白色屬於至陽,即係「陽中之陽」,所以全屋用白色既顏色天花、牆身、地板,如果傢俬都用埋,就閉閉都無咁閉。

        陽中之陽係白色,咁我心諗,陰中之陰應該係黑色啦,不過我都問問大師兄:「陰中之陰係唔係黑色啊﹖」大師兄點頭贊同。但大師姐又搭訕:「咁陽中之陰,同陰中之陽,你明唔明有乜野顏色﹖」

        我聽完諗一諗:「陽中之陰係少陰、陰中之陽係少陽。咁陽梗係暖色系,陰梗係冷色系啦﹗」既然諗到,我立即答大師姐:「除左白色同埋黑色,其它顏色都係陽中之陰或陰中之陽!」

        大師姐聽完笑左一笑,繼續追問:「講得算甯J,但就唔夠精細,我簡單d問你,暖色系同冷色系,邊種屬於陽中有陰,邊種屬於陰中有陽呢﹖」

        而尼個問題都無乜難度,我立即答大師姐:「陽中之陰係冷色系,陰中之陽係暖色系。」大師姐聽到就指住我笑:「咁簡單既問題都錯,陽中有陰係少陰,陰屬冷色,咁少陰得少少冷色,咪暖色多囉!」

        我聽完之後,都覺得好似係我錯,但一時間,「陽中有陰,陰中有陽」攪到我都亂晒。可能大師姐見到我咁既樣,就即刻補充話講:「簡單灠捸A少陰即係暖色系;少陽即係冷色系!」

        聽到呢度,我知我錯乜啦!我見到少陰,就被個「陰」字誤導,以為係陰為主,陰屬於冷,即係冷色系,而少陰即係話得少少係陰,多多係陽,咪以為屬於暖色系囉!

        我答師姐:「我清楚晒苤I陽中有陰係暖色系,陰中有陽係冷色系。」今次大師姐舉起拇指讚我:「叻!其實屋企要特別留意既係唔可以全屋用白色或黑色,因為對風水唔好。用暖色就一定溫和好多,而真真正正最旺間屋既顏色,都係要夾下間屋,夾下個人先知既。」

        唔知呢篇風水文章你地睇唔睇得明,因為都掀涉左一瓛z氣,仲要將四象既太陽、太陽、少陰、少陽,變出個陽中有陽,陰中有陰,陽中有陰,陰中有陽既變化。唔明可以睇多幾次,而再唔明既話,過一排再睇,可能就會明。

        編者按:波長的紅光、橙光、黃光有暖和感覺,所以屬暖色;波長短的紫色光、藍色光、綠色光有寒冷感覺,所以屬冷色系。簡單來說:暖色系有紅、橙、黃、啡、金:冷色系有藍、紫、綠、銀。」

1 2

風水玄學權威白鶴鳴弟子 方中圓
        本文刊載日期2017年2月17日
 

訂購風水用品專頁

風水八字改名--預約.TEL:9838 3838

歡迎轉載內容,敬請尊重版權,
請列明出處及連結「www.hokming.com」,謝謝!
 

首頁