不懂撒嬌的女人
林文龍文念深塞翁失馬的八字

首頁 

        尋晚同d朋友聚會，佢地除左問下我風水八字d野，我地仲講到近期一部大受歡迎既電視劇—《不懂撒嬌的女人》。我地男男女女都對有關劇情發表個人意見。

        呢部電視劇既男主角係林文龍，佢做既角色名叫做文念深，佢既職位都幾高，而傲星呢間公司既老闆想請林文龍過檔，仲 由得佢揀一個職位，最後林文龍揀左總經理。

        林文龍過左檔後，就不停同女主角宣萱角力，不過後來佢地由敵人變番情侶，但就突然間因為老闆懷疑林文龍對公司既誠信，搵人屈佢性騷擾，等佢一定要離開公司，仲係行內無得撈添。

        如果以八字黎講，阿茂都知林文龍呢個角色──文念深，梗係八字行緊衰運啦。正所謂流年不利，由於林文龍呢個角色係香港已經無人會請，所以轉攻大陸。日後既劇情，應該會講文念深點樣東山再起，相信會係一個塞翁失馬，焉知非福既局面。

        如果係咁，八字佢既大運流年，係會出一d特別既變化。 例如，流年行衰運，流年合住其中一個地支，而變成八字既忌神五行，所以會出現被人冤枉。不過，流年除合變之外，又發生相沖既情況，即是 有合有沖。沖勁過合，所以沖散左合變，而流年又係行喜神，成為喜神沖忌，所以凶中有吉，或先凶後吉沖。

        好似八字流年行「子」咁，八字有丑午，而八字「忌火土」而「喜金水」，子見丑化土，係八字所忌，但子午一沖，子丑就化唔成土，仲係喜神沖忌，就出現左逢凶化吉既情況。

風水玄學權威白鶴鳴弟子──方中圓 
        本文刊載日期2017年5月18日

訂購風水用品專頁