從擇天記的命星說到紫微斗數的命星

【 2018狗年風水專頁】

大陸既電視劇同電影都幾流行，我都間中會睇下。而我睇過有一套電視劇叫「擇天記」，其中講出，每一個人都有「命星」。 

有一次，同班朋友聚會，而其中原來有朋友，都睇過「擇天記」，大家就講下命星和講神識。講到命星，我突然想起「紫微斗數」都有命星。因為我八八卦卦，以前已經問過大師姐白如雪：「係唔係個個人都真係有粒命星？」

大師姐白如雪當時就答我：「命星，古代指每一個人出生，天上都會多一粒星。 好似《三國演義》當中，有一次，司馬懿夜觀天象，見到有一粒赤色星，呢粒星即孔明既命星，佢由東北方流到西南方，跌於蜀營之內。司馬懿十分開心，因為見到屬於孔明既命星跌落，所以就知道『孔明即將死亡』。」

大師姐講完之後，再補充話：「講到命星，『紫微斗數』算命學當中，每個人都有一顆命星。你知道嗎？」

我想，起紫微斗數星盤時，好似無一項叫命星，我照直同大師姐講。大師姐話：「你查斗數星盤，就好難會搵到命星。但你記唔記得，紫微斗數有『命主』？」

白如雪大師姐講到呢處，我已經明白，所以即時答：「我知道！每人都有一顆命主星，而命主粒星，就係命星！」 白如雪大師姐說：「全對。」

而我同班朋友講開命星，就將白如雪大師姐所講，紫微斗數都有命星既道理搬出來。當時有朋友都識小小紫微斗數， 而聽到命星，初初都唔知是甚麼，要聽我解釋完，先知道原來「命主一星」，就係「命星」。

之後講到神識，神識就仲簡單，我唔使問師兄師姐都識，即是靈魂。我師傅白鶴鳴大師講過，古代有人會打坐練氣，想靈魂出竅至脫殼飛昇，達到神仙境界。 所以神識，即是靈魂，就類同道家修練，修至成仙境界。
　

風水玄學權威白鶴鳴弟子 方中圓
        本文刊載日期2018年2月24日

【白鶴鳴風水精品中心】