風水擇日有諸事不宜的三大忌日

今日這篇文章既內容，就好似標題咁講──風水諸事不宜的三大忌日。

很多人都聽我講過，我有d識得些少風水玄學既豬朋狗友，佢地d風水玄學知識，就真係麻麻地，大多數都係道聽途說，有時就即抄即賣。例如，聽到人地話著底底，要紅色先旺財，朋友跟佢一碰頭，佢就會問下人，聽佢教既著紅色底底旺財方法後，有沒有橫財。

不過，其實都唔少人學佢一樣，聽埋聽埋坊間相傳既方法，就當正獨門秘笈咁，一有機會就拿出來教人，等人當佢大師咁。

有次，有朋友講開擇日，令我突然記起，以前我未跟師傅白鶴鳴大師學風水玄學之前，都聽過d老人家講話「三娘煞」係凶日，千祈唔好揀呢日做野。後來學風水命理時，先記起，原來以前亦聽老人家講過「楊公忌日」唔好。

其實以前的老人家，好多都識少少風水命理既野，準唔準就唔敢講。例如聽他們說過，如果有人上唇有一塊突起的唇肉，就會「口唇有粒珠，為人唔認輸。」又例如「三殺位唔好動土」等等。

而擇日方面，以前坊間最流行既，有「三大忌日」。話說在呢三大忌日，重要既野，千祈唔好做，因為結婚就會離婚、搬屋則家宅會衰、投資一定失敗、如果下葬，就怕一單接一單。

三大忌日，總括黎講就係：
第一 三娘煞
第二 楊公忌日（俗稱楊忌）
第三 赤松子下降日（俗稱赤松忌）

說到流行程度，以三娘煞最為流行，其次楊公忌日，又再其次係赤松忌日。

三娘煞日子如下：
每個月既「初三、初七、十三、十八、廿二、廿七。」

楊公忌日日子如下：
「正月十三日、二月十一日、三月初九日、
四月初七日、五月初五日、六月初三日、
七月初一日及七月廿九日、八月廿七日、九月廿五日、
十月廿三日、十一月廿一日、十二月十九日。」

赤松子忌日如下：
「正月初七並十一，二月初九並十九，三月十五並十六。
四月初九並廿二，五月初九並十四，六月初十並二十。
七月初八並廿三，八月十八並廿九，九月初二並三十。
十月初一並十四，十一月初二並廿一，十二月初一並三十。」

以上日子，全部以農曆計算，呢�瓥ㄚY老一輩時時用到既擇日法，而家都仲有好多地方流行緊，尤其係大陸添。 有關風水擇日，古有「地理五訣龍穴砂水向」之說，而師傅則常說：「風水三科形氣日。」即是說看風水要看三個部份，第一要看巒頭形勢，現今叫作環境學，即是後方的山峰應該特別高，左右有山遮風擋雨，前方有明堂，令空氣流通。

第二要看間屋幾時有運行，幾時行衰運，這是理氣氣數，用來推算間屋風水大約那段時期好？那段時期衰？好又好甚麼方面呢？衰又衰甚麼方面呢？旺財退財，血光官災？

第三，要擇日子配合，例如陰宅下葬安碑，錯誤擇了一個剋倒坐山既時間，就要小心了，後人隨時犯血光之災。

其實擇日要配合很多資料的。而坊間流行的擇日法，認為有以上所說三套方法——「三娘煞」、「楊公忌日」、「赤松子下降日」。 例如赤松子下降日用事(做重要事情)，口訣說到：「千軍滿地皆流血，起屋田地盡消滅。埋葬哭聲長不絕，夫婦婚姻早離別。買賣本利一齊折。」

口訣說「赤松子下降日」是一個大凶日，起屋會連田地都賣晒、下葬則會一單接一單、結婚會分離、做生意則本利無晒，所以坊間，以這天為大凶日，四個字——「大事不宜」，重要事不要在這天做。